Pagkagising ko pa lang sinabi ko na sayo na masama pakiramdam ko pero ang sinabi mo lang matapos ang ilang minuto ay magchacharge ka muna at papatayin phone mo. Naisip ko na baka excited ka lang sa lakad niyo kaya nagpeprepare ka na. Ni hindi mo kinamusta lagay ko. Oo nga, baka papansin lang ako.
Sabi mo kumakain na kayo. Sa kagustuhan kong wag kang maistorbo dahil sigurado akong nageenjoy ka sa mga oras na yun, sinabi ko na lang na magtext ka na lang kapag pauwi na kayo. Sabi ko pa enjoy. Umoo ka nang hindi man lang kinakamusta kung masama pa din pakiramdam ko. Oo nga, baka sarili ko lang iniisip ko.
Ilang oras kang hindi nagtext. Di ko yun inintindi dahil palagay ko ay nagkakasiyahan kayo ngunit nung mga oras na yun, hindi na ako makabangon sa kama dahil sa sama ng pakiramdam ko. Hilong hilo ako, namimilipit sa sakit, ultimo batok ko masakit. Hindi ko to sinabi sayo dahil ayokong alalahanin mo ako. Yun ay kung aalalahanin mo ako. Sigurado kasi akong masaya ka habang naghihirap ako.
Sinabi mong nakauwi na kayo. Nagtext ka na ngunit di ako nagreply. Tinanong mo bakit di ako sumasagot, sinabi ko na lang na wala akong load pero ang totoo, hindi na kasi ako mapakali sa sama ng pakiramdam ko kaya pati pagtetext sayo di ko magawa. Hindi ka na sumagot pagkatapos. Alam ko na kung bakit. Iniisip mo kasi na aawayin na naman kita.
Hindi na din ako nagtext sayo kahit pinaloadan mo ako. Baka kasi maaway nga kita sa sobrang sama ng pakiramdam ko, na baka sayo ko mabuhos inis ko. Hindi ko na alam ano ng ginagawa mo sa mga oras na to pero sana nakapagpahinga ka na. Naalala ko kasi na ilang gabi ka nang nagsasabi na pupuntahan mo ako dito pero nauudlot. Noong isang gabi nangako ka na pupunta ka dito pero dahil napagod ka (maski ako) sa lakad natin, pumayag ako na kinabukasan na lang. Ito na yung gabing yun. Umaasa ako na sana dadating ka ngayon dito kasi gusto talaga kitang makita. Ikaw lang kasi nakakapagbawas ng sakit na nararamdam ko lalo nakapag meron ako. Kaya umaasa ako na nakapagpahinga ka na kasi di ko alam mararamdaman ko kapag pinagpaliban mo ulit to dahil pagod ka.
May nabasa akong posts sa FB. Text ng magboyfriend. Yung babae parang ako. Overly attached/possessive/praning. Naisip ko na ang OA ko nga pala minsan. Napakawarfreak ko nga pala madalas. Kaya ngayon sinusulat ko to para dito ko na lang ilabas ang mga nararamdaman ko kesa maawa na naman kita at magkainisan pa tayo. Gusto ko na din kasi bawasan yung pagiging maldita ko sayo. Pero please naman, wag mo naman ako ganituhin. Everytime na may ginagawa kasama ang ibang tao maliban sakin o kapag wala ako, may tendency ka na naiignore mo ako. Gaya na lamang ngayon. Ni hindi ko nabasa sa text mo ang "Masama pa din po ba pakiramdam mo, Babe?" At hanggang ngayon, wala ka pa din dito.
Sinulat ko to hindi dahil ayaw kitang makausap. Sinulat ko to hindi dahil sa galit ako. Sinulat ko to kasi ako lang naman nakakaintindi sa sarili ko.
.jpg)
